Atyraýda 4 kópqabatty turǵyn úı jóndeledi
ATYRAÝ. QazAqparat – Atyraý qalasyndaǵy kóp qabatty 4 turǵyn úıdi jóndeýge bıýdjetten 200 mln teńge bólindi, dep habarlaıdy QazAqparat.
Bul týraly Atyraý oblystyq energetıka jáne turǵyn-úı kommmýnaldyq sharýashylyq basqarmasynyń basshysy Baýyrjan Tuhfatov málim etti.
«Bul úıler jergilikti bıýdjet esebinen bólingen qaıtarymdy qarajatqa jóndeledi. Osy maqsatta jergilikti bıýdjetten 200 mln teńge bólindi. Jaqynda Atyraý qalasynyń Vokzal mańy 3A móltek aýdanyndaǵy №25A úı, Avangard-2 móltek aýdanyndaǵy №16 úı, SMP-163 móltek aýdanynda №3 úı, №5 úıdiń jóndeý jumystary bastalǵaly otyr», - dedi Baýyrjan Tuhfatov.
Sondaı-aq, onyń aıtýynsha, jalpy quny 927,4 mln teńge kópqabatty 19 turǵyn úıdiń jobalyq smetalyq qujaty ázirlengen.
