Atyraýda 4-qabattan qulap, kúnqaǵarǵa ilinip qalǵan er adam qutqaryldy
Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, oqys oqıǵa búgin, 13 qańtarda saǵat 00:58-de bolǵan.
«Departamenttiń dıspetcherlik pýltine Atyraý qalasyndaǵy M.Baımuhanov kóshesindegi
turǵyn úıdiń 4-qabatynan er adamnyń qulaǵany týraly habar tústi. Oqıǵa ornynda 1994 jylǵy jigittiń 4-qabattaǵy kireberis terezesinen sekirip, 2-qabattaǵy kúnqaǵaryna ilinip qalǵanyn anyqtady. Qutqarýshylar ilinip turǵan jigitti qutqaryp, jedel medıtsınalyq kómek dárigerlerine tapsyrdy», -dep habarlady departamenttiń baspasóz qyzmeti.
Avarııalyq-qutqarý jumysyna jedel-qutqarý jasaǵynyń 4 qyzmetkeri men 1 tehnıkasy jumyldyrylǵan.
Eske sala ketelik, buǵan deıin Atyraý oblysynyń turǵyndarynan Call ortalyqqa 300 myńnan astam qońyraý túskenin habarlaǵan bolatynbyz.
