Atyraýda 4-qabattan qulaǵan tórt jasar qyz jansaqtaý bóliminde jatyr
ATYRAÝ. QazAqparat Atyraýda 4-qabattan qulaǵan 4 jasar qyz jansaqtaý bóliminde jatyr, dep habarlaıdy QazAqparat.
Oblystyq balalar aýrýhanasy baspasóz qyzmetiniń málimetinshe, emdeý ornyna 4 jasar qyz keshe, 27 sáýirde túsken.
«Kishkentaı qyzdyń jaǵdaıy aýyr. Qazir jansaqtaý bóliminde jatyr. Naýqastyń basynda jaraqaty, denesinde kóptegen synyq bar. Dárigerler naýqasqa shuǵyl ota jasady. Ota 2,5 saǵatqa sozyldy. Aýrýhana dárigerleri naýqasqa barlyq qajetti medıtsınalyq kómekti kórsetip jatyr», -dep habarlady aýrýhananyń baspasóz qyzmeti.
Kishkentaı qyz as bólmesiniń terezesinen qulaǵan. Bul kezde ákesi basqa bólmede bolǵan.
Eske sala ketelik, budan buryn Atyraýda ájesinen adasyp qalǵan 5 jasar bala joǵalyp ketkenin jazǵan edik.
