Atyraýda 39 jastaǵy er adam úshinshi qabattan sekirmek bolǵan
ATYRAÝ. QazAqparat – Atyraýda 39 jastaǵy er adam úshinshi qabattan sekirmek bolǵan, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, 102 operatoryna 16 aqpanda saǵat 15:17 shamasynda er adamnyń qurylys nysanynyń 3-shi qabatynan aıqaılap turǵany týraly habar túsken.
«Maqat aýdanynyń 39 jastaǵy turǵyny Atyraý qalasyndaǵy «Almagúl» shaǵyn aýdanynda salynyp jatqan qurylys nysanynyń 3-shi qabatyna shyǵyp ketken. Ol narkologııalyq saraptamadan ótkizildi. Nátıjesinde onyń spırttik ishimdik ishpegeni belgili boldy. Oǵan qatysty QR Ákimshilik quqyqbuzýshylyq týraly Kodeksiniń 434-babymen (Usaq buzaqylyq, ıaǵnı qoǵamdyq oryndarda bylapyt sóıleý, jeke tulǵalarǵa qorlap tıisý, turǵyn úı-jaılardy qorlaý jáne aınalasyndaǵylarǵa syılamaýshylyqty bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndaı áreketter) ákimshilik hattama toltyryldy» -dep habarlady departamenttiń baspasóz qyzmetinen.
Jınaqtalǵan is-qujattar sheshim qabyldaý úshin ákimshilik sotqa joldanatyn bolady.
