Atyraýda 384 sheteldik jaýapqa tartyldy
ATYRAÝ. QazAqparat - Atyraýda 384 sheteldik jaýapqa tartyldy, dep habarlaıdy QazAqparat.
«Jedel-saýqtyrý sharasy barysynda mıgratsııalyq polıtsııa ókilderi elimizdiń kóshi-qon zańnamasyn buzý boıynsha 447 ákimshilik quqyqbuzýshylyqty anyqtady. 384 shetel azamaty Qazaqstan Respýblıkasynyń aýmaǵyna kelý tártibin buzǵany úshin jaýapqa tartyldy. Elge sheteldik jumys kúshin tartyp, olardy paıdalanǵany úshin Atyraýdyń 16 turǵyny ákimshilik jaýapqa tartyldy»,-dep habarlady Mıgratsııalyq polıtsııa basqarmasynyń bastyǵy Bolat Dosqalıev.
Zań buzǵandardyń barlyǵyna ákimshilik hattama toltyryldy. Olarǵa aıyppul salynyp, sheteldikterdiń birqatary QR aýmaǵynan deportatsııalanady.
