Atyraýda 36 jastaǵy áıel tramadol dárisiniń 60 danasyn zańsyz satqan
ATYRAÝ. QazAqparat – Atyraýda 36 jastaǵy áıel tramadol dárisiniń 60 danasyn zańsyz satqan, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Esirtki qylmysyna qarsy is-qımyl basqarmasynyń qyzmetkerleri 12 mamyrda 36 jastaǵy áıeldiń 60 dana tramadol, 19 dana trapıkamed dári-dármekterin zańsyz satyp júrgenin anyqtaǵan.
«Qazir atalǵan áıelge qatysty QR Ákimshilik quqyqbuzýshylyq týraly Kodeksiniń 426-babymen «Farmatsevtıkalyq qyzmettiń jáne dárilik zattardyń, medıtsınalyq maqsattaǵy buıymdar men medıtsınalyq tehnıkalyq aınalysy salasynyń qaǵıdalaryn buzý» deregimen Medıtsınalyq jáne farmatsevtıkalyq baqylaý komıtetiniń Atyraý oblysy boıynsha departamentine sheshim qabyldaý úshin is-qujattar joldandy» -dep habarlady departamenttiń baspasóz qyzmeti.
Eske sala ketelik, budan buryn Atyraýda esirtkini nasıhattaıtyn birneshe saıtty jarnamalaǵan áıel ustalǵan bolatyn.
