Atyraýda 35 páter tonaǵan top qolǵa tústi
ATYRAÝ. QazAqparat - Atyraýda 35 páterdi tonady degen kúdikpen bir top adamdar ustaldy, dep habarlaıdy QazAqparat tilshisi.
Polıtsııa qyzmetkerleri Atyraýda birneshe páterdi tonady degen kúdikpen Jylyoı aýdanynyń eki turǵynyn ustady.
Olar kúdikti bolyp otyrǵan urlyqtyń basy 2018 jyly bastalyp, qazirge deıin tolastamaǵan. Urylar úılerdiń plastık terezeler buzyp kirip, qolyna ilingenin alyp ketip júrgen. Noýtbýkter, áshekeı buıymdary, telefondar, gadjet ataýlynyń kez kelgen túri, keńse tehnıkalary, qolsaǵattar, tipti qurylys aspaptaryna deıin dymyn qaldyrmaı urlaǵan.
«Ustalǵandardyń 35 urlyqqa qatysy bary anyqtaldy. Kúdiktiler qazir qamaýda otyr, olarǵa qatysty QR Qylmystyq Kodeksiniń 188-babynyń 3-bóligimen sotqa deıingi tergep-tekserý bastaldy», - deıdi óńirlik polıtsııa departamentiniń baspasóz qyzmeti.
Tárkilengen zattardyń kópshiliginiń ıeleri áli tabylǵan joq. Osyǵan baılanysty, polıtseıler jábirlengen azamattardyń №1 qalalyq polıtsııa bólimine habarlasýyn suraıdy.
Avtor: A. Sokolov
