Atyraýda 35 keli ýyldyryq alynǵan alyp qortpa Kaspıı teńizine jiberildi
Balyq sharýashylyǵy komıtetiniń resmı ókili Aslan Jeńisulynyń aıtýynsha, «Amangeldi atyndaǵy» JShS balyqshylar aýlaǵan bekire tuqymdas qortpany Kaspıı teńizine jiberýge sheshim qabyldanǵan.
Qortpanyń salmaǵy – 197 keli, uzyndyǵy – 2 metr 47 sm.
«Jaıyq-Atyraý» bekire shabaǵyn ósirý zaýytynyń mamandary qortpadan jasandy jolmen 35 keli ýyldyryq alǵan.
«Bul – 1,2 mln dana ýyldyryq. Zaýyt mamandary ýyldyryqty uryqtandyryp, shabaq kezeńine deıin ınkýbatsııalaýǵa arnalǵan apparattarǵa ornalastyrdy. Ýyldyryqtan jetildiriletin shabaqtar aldymen basseınderde ósiriledi. Keıin tabıǵı ortaǵa jiberýge daıyn bolǵanǵa deıin arnaıy toǵandarǵa aýystyrylady. Shabaqtardyń ortasha salmaǵy 3 grammdy quraǵan soń tabıǵı ortaǵa jiberiledi», -deıdi Aslan Jeńisuly.
Eske sala ketelik, budan buryn Atyraý balyqshylary 200 keli tartatyn alyp qortpa aýlap, keıin odan 35 keli ýyldyryq alynǵan edi.
