Atyraýda 35 bala men 21 júkti áıel koronavırýspen aýyryp jatyr

ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 35 bala men 21 júkti áıel aýyryp jatyr, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, qaýipti vırýstan emdelip jatqan naýqastardyń sany – 310 adam.

«Qazir úı jaǵdaıynda em-dom qabyldaý úshin 154 adam, 730 oryndyq tósek-orny bar ınfektsııalyq statsıonarlarda 156 (júkteme – 21,4%) naýqas oqshaýlandy. Modýldik aýrýhanada – 97, Teńiz kenishindegi statsıonarda – 39, aýdandardaǵy ınfektsııalyq statsıonarlarda – 16, al, №2 oblystyq aýrýhanada 4 patsıent em qabyldaýda. Sondaı-aq, 35 bala men 21 júkti áıelden koronavırýs ınfektsııasy tabylyp otyr. Onyń ishinde 3 bala men 9 júkti áıel ınfektsııalyq statsıonarlarda jatyr. Ambýlatorııalyq emdelýge 32 bala men 3 júkti áıel jiberildi», -dep habarlady basqarmanyń baspasóz qyzmeti.

Infektsııalyq statsıonarlardyń 75 orynǵa eseptelgen jansaqtaý bóliminde jatqan jaǵdaıy nashar 14 naýqastyń 2-ýi ókpeni jasandy jeldetý apparatyna qosylǵan.

Bul bólimdegi júkteme - 18,7%.

Eske sala ketelik, buǵan deıin Atyraý oblysynda koronovırýstan bir táýlikte 1 adam kóz jumǵanyn habarlaǵan bolatynbyz.