Atyraýda 34 jastaǵy er adam izdestirilip jatyr
ATYRAÝ. QazAqparat – Atyraýda 34 jastaǵy er adam izdestirilip jatyr, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, 2 qyrkúıekte saǵat 12:30 shamasynda Atyraý qalasynyń turǵyny Eldar Aqylbekov úıinen shyǵyp ketip, qaıta oralmaǵan.
«Tótenshe jaǵdaılar departamentine 11 qyrkúıekte joǵalyp ketken 34 jastaǵy er adamnyń anasynan izdestirý jumystaryn júrgizý týraly aryz tústi. Onyń uly Eldar Aqylbekovtiń Atyraý qalasynyń qaı jerinen joǵalǵany belgisiz. Joǵalǵan azamat úıinen shyqqan kezde ústinde ýaq tor kózdi jeıde, kúreń qyzyl djınsy, aıaǵynda qońyr tústi krossovkasy bolǵan» -dep habarlady departamenttiń baspasóz qyzmeti.
Іzdestirý jumystaryna departamenttiń kınologııalyq, ózge qyzmetkerleri men tehnıkalary jumyldyrylǵan. Sondaı-aq, volonterlik uıymdar tartylǵan.
Eske sala ketelik, budan buryn Atyraýda bir aptaǵa 9 jasóspirim joǵalyp ketkenin habarlaǵan edik.
