Atyraýda 33 otbasy jańa páter kiltin aldy
ATYRAÝ. QazAqparat – Konstıtýtsııa kúni qarsańynda atyraýlyq 33 otbasyǵa páter kilti tabystaldy, dep habarlaıdy QazAqparat qala ákimdiginiń baspasóz qyzmetine silteme jasap.
Jańa páterler «Nursaıa» yqshamaýdanynda boı kótergen 9 qabatty turǵyn úılerdiń birinen berildi. Baspanaly bolǵandardyń deni 2013 jyldan beri turǵyn úı kezeginde turǵan kópbalaly analar.
- Bul – «Nurly jer» baǵdarlamasy aıasynda jalǵa berilgen páterler. Bastysy, turǵyndar úshin qolaıly. Atalǵan baǵdarlama aıasynda jyl basynan beri, ıaǵnı 8 aı ishinde baspanaly bolǵandardyń sany 257-ge jetti –dedi turǵyn úı sektorynyń meńgerýshisi Rafhat Joldıev.
Eske sala keteıik, ótken jyly turǵyn úı kezeginde turǵan túrli sanattaǵy 257 otbasy baspanaly bolǵan edi. Bıyl, bul kórsetkish arta túspek. Sebebi, 8 aı ishinde 250-den astam otbasy páter kiltin alyp úlgerdi. Jyl aıaǵyna deıin, turǵyn úı kezegindegi azamattardan bólek, apatty jaǵdaıdaǵy jatahanalardy da kóshirý kózdelip otyr.
