Atyraýda 300 oryndyq sport mektep-ınternaty salynady
ATYRAÝ. QazAqparat - Atyraýda 300 oryndyq sport mektep-ınternaty salynady, dep habarlaıdy «QazAqparat» HAA tilshisi.
«Sport mektebin turǵyzý úshin Nursaıa móltekaýdanynan aýmaǵy 4,6 gektar bolatyn ýchaske bólindi. Bul sport ǵımaratynda oblys aýdandary men oblys ortalyǵynan kelgen 200 daryndy bala bilim alady. Oblys aýdandarynan kelip oqıtyn balalar úshin túneıtin ǵımarat ashylady. Endi olar bir jerde bilim alyp, jattyǵyp, ómir súredi», - dep habarlady Óńirlik kommýnıkatsııalar qyzmetiniń brıfınginde Oblystyq dene shynyqtyrý jáne sport basqarmasynyń basshysy Azamat Beket.
Onyń aqparaty boıynsha, ınternattyń aýmaǵynda 400 oryndyq fýtbol alańy boı kóterip, shaǵyn balalar týrnırleri ótetin bolady.
«Gazondy eýrostandarttarǵa sáıkes ornatady, jylytý júıesi bolady. Sport zaldary túrli sport oıyndarymen, jekpe-jekpen, aýyr atletıkamen aınalysýǵa múmkindik beredi», - dep túsindirdi Azamat Beket.
