Atyraýda 30 jastaǵy jigitten jarty kelige jýyq sıntetıkalyq esirtki tárkilendi
Bul týraly oblystyq polıtsııa departamentiniń baspasóz qyzmetinen málim etti.
«Atyraý qalasynda turatyn 30 jastaǵy jigittiń asa iri kólemde sıntetıkalyq esirtki zatyn saqtap kelgeni anyqtaldy. Esirtki qylmysyna qarsy is-qımyl basqarmasy men UQK Atyraý oblysy boıynsha departamentiniń qyzmetkerleri kúdiktini
ustady. Onyń úıin tintý kezinde garajynan aq tústi untaq zat salynyp, skotchpen oralǵan polıetılen paket tabyldy. Saraptama qorytyndysyna usynylǵan aq untaq jalpy salmaǵy 471,25 gr sıntetıkalyq esirtki – alfa-pırrolıdın valerofenon (a-PVP)
ekeni dáleldendi. Qazir kúdiktige qatysty QR Qylmystyq kodeksiniń 296-babynyń 4-bóligimen sotqa deıingi tergeý júrgizilip jatyr», -dep habarlady departamenttiń baspasóz qyzmeti.
Kúdikti QR Qylmystyq-protsestik kodeksiniń 128-babyna sáıkes ýaqytsha ustaý ızolıatoryna qamaýǵa alyndy.
Eske sala ketelik, budan buryn Atyraýda sıntetıkalyq esirtki saqtaǵan 46 jastaǵy er adam ustalǵanyn jazǵan edik.
