Atyraýda «30 ıgi is» qaıyrymdylyq aktsııasy bastaldy
«Qoǵamdyq kelisim» KMM «Dostyq» úıinde «30 ıgi is» aktsııasy aıasynda qaıyrymdylyq marafonyn uıymdastyrdy.
Oǵan etnomádenı birlestik ókilderi men shyǵarmashylyq toptary, D.Nurpeıisova atyndaǵy mýzykalyq akademııanyń ónerpazdary, «Sheksiz talanttar» bı mektebiniń ónerpazdary atsalysty.
Onlaın jáne oflaın formatta ótken sharada qaıyrymdylyq aktsııasyna oraı tatar-bashqurt, koreı, orys, ýkraın, nemis, slavıan, daǵystan etnomádenı birlestikteriniń shyǵarmashylyq toptary men múmkindigi shekteýli jandardan quralǵan «Sheksiz talanttar» bı mektebiniń ónerpazdary men Álfııa Ádilqyzy óner kórsetti.
«Aldaǵy ýaqytta «30 ıgi is» qaıyrymdylyq aktsııasyna oraı aýqymdy shara ótkizýdi josparlap otyrmyz. Sondyqtan, túrli formatta ótetin mundaı qaıyrymdylyq is-sharasy jalǵasyn tabady. Al bul sharanyń maqsaty – múmkindigi shekteýli jandarǵa, sonyń ishinde balalarǵa qaıyrymdylyq kontsert uıymdastyryp, az da bolsa kómek qolyn sozý», - deıdi «Qoǵamdyq kelisim» KMM basshysy Janar Іlııasova.
Qaıyrymdylyq aktsııasy kezinde múmkindigi shekteýli balalarǵa arnaıy daıyndalǵan syılyqtar tabys etildi.
Eske sala ketelik, budan buryn Atyraýda táýelsizdiktiń 30 jyldyǵyna oraı 30 aýdıtorııa jasaqtalatynyn jazǵan edik.
