Atyraýda 3 saǵatta tótenshe jaǵdaı rejımi 11 ret buzylǵan
Oblystyq prokýratýranyń baspasóz qyzmetiniń habarlaýynsha, tótenshe jaǵdaı jáne karantın talaptaryn oryndaýdy qamtamasyz etý maqsatynda mobıldi top 30 naýryzda saǵat 21.00-den 24.00-ge deıin reıdtik is-sharalar júrgizgen. Osy ýaqytta 11 quqyqbuzýshylyq deregi anyqtaldy. Onyń ishinde 3 gúl dúkeni jumys istegen. Al, 8 dúkenniń satýshylary karantın kezinde sanıtarlyq normalardy saqtamaı, betperde jáne bir rettik qolǵapsyz qyzmet kórsetken.
«Tótenshe jaǵdaı talaby gúl satatyn «Álııa Sanııa», «Zýlpat», «Raıhan», «Shah», sondaı-aq, «Aınur», «Tamyz», «Samet» jáne «Tamın Art» azyq-túlik dúkenderinde buzylǵan. Qazir «Shah dúkeniniń ıesine qatysty QR Ákimshilik quqyqbuzýshylyq týraly Kodekstiń 476-baby, 6-tarmaqshasymen ákimshilik is qozǵaldy. Karantın jáne basqa da mindetti sanıtarlyq-epıdemııalogııalyq is-sharalardy ótkizý arqyly tótenshe jaǵdaı rejımin buzý deregine qatysty is sotta qaralatyn bolady. Basqa tártip buzýshylarǵa sharalar qoldanylýda» -dep habarlady oblystyq prokýratýranyń baspasóz qyzmeti.
Mundaı reıdter jalǵasatyn bolady. Belgilengen ýaqytsha shekteýlerdi buzý anyqtalǵan jaǵdaıda tıisti sharalar qabyldanady.