Atyraýda 3 adamnyń koronavırýsty qalaı juqtyrǵany belgili boldy
Óńirlik kommýnıkatsııalar qyzmetiniń málimetinshe, 3 adamnyń biri –37 jastaǵy atyraýlyq koronavırýs taldaýy rastalǵan Oral qalasynyń turǵynymen baılanysta bolǵan. Onyń ınfektsııaǵa shaldyqqany úıine oralǵan soń anyqtalǵan.
Ekinshisi –20 jastaǵy stýdent. Ol «Stambýl-Atyraý» arnaıy reısimen 27 naýryzda kelgen. Naýqasta JRVI-dyń aıqyn belgisi kórinip, ınfektsııalyq statsıonarǵa jatqyzylǵan. Jigittiń koronavırýsqa shaldyqqany qaıtalap tekserýden keıin rastalǵan.
Al, Qyzylqoǵa aýdanynyń 28 jasar turǵyny JRVI belgilerimen oblystyq aýrýhanaǵa júgingen. Bul áıeldiń koronavırýs ınfektsııasyna tapsyrǵan analızi oń nátıje kórsetip, qazir onymen baılanysqandar tizimi túzilýde.
«Qazir Atyraý oblysynda koronavırýs ınfektsııasy anyqtalǵan 16 adam ınfektsııalyq aýrýhanada emdelýde. Sonymen birge, Atyraý oblystyq densaýlyq saqtaý basqarmasynyń sheshimimen oblystyq aýrýhana 2 kúndik karantınge jabyldy. Medıtsınalyq mekemede dezınfektsııa jumystary júrgizilip, dertke shaldyqqandarmen baılanysta bolǵan dárigerler men naýqastar oqshaýlanady», - dep habarlady óńirlik komýnıkatsııalar qyzmeti.
