Atyraýda 2gis qosymshasyna sýǵa túsýge tyıym salynǵan aýmaqtar engizildi
Atyraý qalalyq tótenshe jaǵdaılar basqarmasynyń bastyǵy, azamattyq qorǵaý maıory Ǵabıt Babaevtyń aıtýynsha, 15 maýsymda sýǵa shomylý maýsymy bastlaǵan.
«Turǵyndarǵa qosymsha aqparat berý úshin «2gis» JShS-men birlese 2gis mobıldi qosymshasyna sýǵa shomylýǵa tyıym salynǵan aýmaqtar engizildi. Kún saıyn Atyraý qalasynda adamdar kóp shoǵyrlanatyn nysandarda «Sýdaǵy qaýipsizdik erejeleri» LED ekrandar men dybys kúsheıtkishter arqyly keńinen taratylyp otyr», deıdi Ǵabıt Babaev.
Onyń aıtýynsha, sýǵa shomylý maýsymy bastalǵanǵa deıin qala aýmaǵyndaǵy qaýipti ýchaskelerde 125 belgi qoıylǵan. Jazataıym oqıǵalardyń aldyn alý maqsatynda Atyraý qalalyq tótenshe jaǵdaılar basqarmasy men jergilikti polıtsııa qyzmetkerleri kúnine 2 ret reıdttik is-shara júrgizip jatyr.
«Bıyl Atyraý qalasynda Jaıyq ózeniniń jaǵalaýynda 5 jaǵajaı jumys isteıdi. Bular – «Atyraý» dene shynyqtyrý-saýyqtyrý kesheni mańyndaǵy «Evrazııa» JShS-niń, I.Mechnıkov kóshesindegi «Atyraý saıabaq», «Turǵyn úı qalashyǵy» shaǵyn aýdanyndaǵy «NOMAD» (Malıbý) jáne «LUCH» jaǵajaılary. Endi qala mańynda ornalasqan
Aýyldyq okrýgterdiń aýmaǵynda kommýnaldyq jaǵajaı ashý máselesi qarastyrylyp jatyr», -dep habarlady Ǵabıt Babaev.
Eske sala ketelik, buǵan deıin Qazaqstan men Reseı órt sóndirýshileri birlesken jattyǵý ótkizip jatqanyn habarlaǵan edik.
