Atyraýda 28 jastaǵy turǵynnan 362 keli bekire tárkilendi
ATYRAÝ. QazAqparat – Atyraýda 28 jastaǵy turǵynnan 362 keli bekire tárkilendi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, qazir «Bekire-2021» jedel profılaktıkalyq is-sharasynyń kúzgi kezeńi ótip jatyr.
«Іs-shara kezinde krımınaldyq polıtsııa basqarmasynyń qyzmetkerleri mamandary «VAZ-2114» avtokóligin toqtatyp, tekserý júrgizgen. Tekserý kezinde kóliktiń júk salǵyshynan 20, turǵyn úı aýlasyndaǵy garajdan 84 dana bekire tuqymdas balyqty tárkiledi. 28 jastaǵy kúdiktiden tárkilengen 104 dana bekire tuqymdas balyqtyń salmaǵy 362 kelini qurady», - dep habarlady oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Qazir atalǵan derekke qatysty QR Qylmystyq kodeksiniń 339-babynyń 2 bóligimen sotqa deıingi tergeý júrip jatyr.
Eske sala ketelik, budan buryn Atyraý oblysynyń turǵynynan jarty tonnadan astam bekire tárkilengen bolatyn.
