Atyraýda 27 júrgizýshiden 2 mln teńgeden astam aıyppul óndirildi
ATYRAÝ. QazAqparat – Atyraýda 27 júrgizýshiden 2 mln 186 myń teńgeden astam aıyppul óndirildi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, bul júrgizýshiler osy kezge deıin aıyppul tóleýden jaltaryp júrgen.
«Atyraýda aıyppuldardy óndirýdi jandandyrý, óz erkimen tóleýden jaltarýshy azamattarǵa qatysty pármendi sharalardy uıymdastyrý maqsatynda ótken «Boryshker-2021» jedel profılaktıkalyq is-sharasy aıaqtaldy. Іs-shara kezinde aıyppul tóleýden jaltaryp júrgen 27 júrgizýshi anyqtaldy. Olardyń avtokólikteri aıyp turaǵyna qoıylyp, atalǵan júrgizýshilerden 2 mln 186 663 teńgeni quraıtyn aıyppul óndirildi. Máselen, 14 naýryzda saǵat 15:30 shamasynda armenııalyq «Hyundai Sonata» avtokóligi toqtatyldy. Tekseris kezinde atalǵan avtokólik júrgizýshisiniń 145 850 teńgeni quraıtyn 10 aıyppuly tólenbegeni anyqtaldy» dep habarlady departamenttiń baspasóz qyzmetinen.
Aıyp turaǵyna qoıylǵan 27 avtokóliktiń be s eýi Armenııa Respýblıkasynan ákelingen. Al, 22 kólik Reseı Federatsııasynda tirkelgen.
Eske sala ketelik, buǵan deıin Atyraýda 2 mln teńge aıyppul tólenbegen kólikpen júrgen sheteldik qolǵa túskenin habarlaǵan edik.
