Atyraýda 260 oryndyq jataqhananyń qurylysy aıaqtalýǵa jaqyn

ATYRAÝ. QazAqparat - Atyraý qalasynyń ákimi Álımuhammed Quttumuratuly «Bilim-Innovatsııa» lıtseıi stýdentterine arnalǵan jataqhana qurylysynyń barysymen tanysty, dep habarlaıdy QazAqparat tilshisi.

Atyraý qalasy ákimdigi baspasóz qyzmetiniń habarlaýynsha, búgingi tańda 260 oryndyq jańa jataqhananyń qurylysy 90% aıaqtalǵan. Ony paıdalanýǵa berý qazan aıyna josparlanǵan. Atyraý qalasynyń ákimi Álımuhammed Quttumuratuly salynyp jatqan qurylys nysanynda bolyp, jumys barysymen tanysty.

«Sizdiń oqý ordańyz burynnan tanymal. Sapaly bilimniń arqasynda lıtseı oqýshylary respýblıkalyq jáne halyqaralyq mańyzy bar olımpıadalarda júldeli oryndardy ıelenip júr. Sizdiń túlekterińiz elimizdiń jáne álemniń jetekshi ýnıversıtetterine oqýǵa túsýde. Búginde túlekter básekege qabiletti maman bolyp qalyptasty, olardy iri kompanııalar jumysqa qabyldaýǵa daıyn. Sondyqtan talaby zor shákirtter úshin barlyq jaǵdaı jasalýy kerek», - dedi Álımuhammed Quttumuratuly ınternat basshylyǵyna.

«Bilim-Innovatsııa» lıtseıiniń dırektory Ismaıl Elmannyń aıtýynsha, búginde munda 263 oqýshy bilim alyp júr.

«Burynǵy jataqhana tek 130 orynǵa eseptelgen edi. Salynyp jatqan jańa nysan lıtseı oqýshylaryna arnalǵan jataqhana jetispeýshiligi máselesin sheshedi dep oılaımyn», - dep atap ótti «Bilim-Innovatsııa» lıtseı dırektory.