Atyraýda 26 sheteldik elden shyǵaryldy
ATYRAÝ. QazAqparat - Atyraý oblysynda jyl basynan beri 26 shet el azamaty el aýmaǵynan tysqary shyǵarylǵan, dep habarlaıdy QazAqparat oblystyq polıtsııa departamentine silteme jasap.
«Taıaýda sot sheshimimen QHR azamatyn el aýmaǵynan shyǵarý jóninde sheshim qabyldandy. 53 jasar sheteldik oblys aýmaǵyna iskerlik vızamen (jumys jasaýǵa ruqsat etilmegen) kelip, qaladaǵy kompanııalardyń birinde qarjy dırektory bolyp jumys jasaǵan», - delingen habarlamada.
Polıtsııa departamentiniń málimetinshe, kóshi-qon polıtsııasy júrgizgen jedel aldyn alý sharalary nátıjesinde jyl basynan beri Atyraý oblysynan Qazaqstan Respýblıkasy zańnamasyn óreskel buzǵany úshin 26 shet el azamaty el aýmaǵynan shyǵarylǵan. Olardyń 22-i Ózbekstan azamaty bolsa, 4-i Qytaı azamaty.
Sondaı-aq, óńirde 2019 jyly barlyǵy kóshi-qon salasy boıynsha 594 ákimshilik quqyqbuzýshylyq anyqtalǵan.
