Atyraýda 250 jas otbasyǵa páter beriledi
ATYRAÝ. QazAqparat - 2017 jyly túrli memlekettik baǵdarlamalar boıynsha atyraýlyq jas otbasylar 250 páter alady, dep habarlady «QazAqparat» HAA tilshisi.
«Óńirde jas otbasylarǵa kómek kórsetýdiń baǵdarlamalary belsendi iske asyrylýda. «Jas Otaý» jas otbasylarǵa arnalǵan qoljetimdi baspana baǵdarlamasynyń aıasynda 2015 jyly jas otbasylarǵa 90 páter berildi. Qazirgi ýaqytta osy baǵdarlama boıynsha 1 230 páterlik úı salynýda. Ol osy aıdyń aıaǵynda paıdalanýǵa tapsyrylady.
Jas otbasylarǵa 100 páterlik taǵy bir úı salynyp jatyr. Sondaı-aq osy jyly 30 jas otbasy «Qoljetimdi baspana - 2020» baǵdarlamasy boıynsha páter alady dep otyrmyz. Osylaısha, bıyl 250 otbasy páter alyp, turǵyn úı jaǵdaıyn kótere alady», - dep habarlady Atyraý oblysy jastar saıasaty máselesi boıynsha basqarma basshysy Jasulan Bısembaev.
