Atyraýda 25 jastaǵy kelinshek kishkentaı qyzymen birge joǵalyp ketti
ATYRAÝ. QazAqparat – Atyraýda 25 jastaǵy áıel 3 jasar qyzymen birge joǵalyp ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, Qurmanǵazy aýdanynda turatyn ıÝlıana Aleksandrova 30 qańtarda joǵalyp ketken.
Qasynda 3 jasar qyzy Aızere Aqjigitova bolǵan.
«Olar 30 qańtarda Atyraý qalasyndaǵy «Órken-1» shaǵyn aýdanyn shyǵyp, «Vokzal mańy» shaǵynaýdanyna ketken. Sodan beri turǵylyqty mekenjaıyna oralmaǵan» dep habarlady departamenttiń baspasóz qyzmetinen.
Eske sala ketelik, budan Atyraý oblysynda 60 jastaǵy er adam joǵalyp ketkenin habarlaǵan edik.
