Atyraýda 25 eki qabatty úı jaryqsyz qaldy
ATYRAÝ. QazAqparat - Atyraýda 25 kópqabatty úı elektr qýatynsyz qaldy, dep habarlaıdy QazAqparat Atyraý qalalyq ákimdiginiń baspasóz qyzmetine silteme jasap.
«Búgin keshkisin Orman sharýashylyǵy shaǵyn aýdanynda qýaty 400 kVt bolatyn transformator kúıip ketti. Qalalyq turǵyn úı, kommýnaldyq sharýashylyǵy, jolaýshylar kóligi jáne avtomobıl joldary bóliminiń bastyǵy Shakir Keıkınniń aıtýynsha, 25 ekiqabatty turǵyn úıge qyzmet etip kelgen tranformator kúıip ketti. Turǵyndar Páter ıeleri kooperatıvin quryp, «Atyraý jaryq» AQ-men kelisimshartqa otyrýdan bas tartty. Al ol óz kezeginde osy transformatordyń qyzmetine jaýap berýi qajet bolatyn. Osy kezde «Atyraý jaryq» AQ-nyń ókilderi kúıip ketken tranformatordyń ornyna jańasyn qoıyp jatyr»,-dedi Shákir Keıkın.
