Atyraýda 242 adam jeke klınıkany alaıaqtyǵy úshin aıyptap otyr
ATYRAÝ. QazAqparat – Atyraýdaǵy «EcoClinic» emhanasynyń basshysy qamaýǵa alyndy, dep habarlaıdy QazAqparat.
«Qala turǵyndarynan kelip túsken kóptegen aryz-shaǵymnan keıin oblystyq polıtsııa departamenti «EcoClinic» JShS basshylaryna qatysty qylmystyq is qozǵady. Olar kosmetologııalyq qyzmet kórsetý kezinde alaıaqtyq jasady degen kúdikke ilinip otyr. Qazirgi tańda 242 jábirlenýshi aryzdanǵan. 2019 jyldyń 5 sáýirinde oblys prokýratýrasy QR QK 190-baby, 3-bólimimen sotqa deıingi tergeýdi bastady. 5 qyrkúıekte oblys prokýrorynyń buıryǵymen 1993 jyly týǵan kúdikti ýaqytsha tergeý abaqtysyna qamaldy», - dep málim etti Atyraý oblysy prokýrorynyń aǵa kómekshisi Qanat Qabdolov.
Taıaý arada kúdikti sot aldynda jaýap beredi.
