Atyraýda 24 jastaǵy qurylysshy mert boldy
ATYRAÝ. QazAqparat – Atyraýdaǵy qurylys nysanynda 24 jastaǵy jambyldyq qaıtys boldy, dep habarlaıdy QazAqparat.
Memlekettik eńbek ınspektsııasy basqarmasynyń málimetinshe, qaıǵyly oqıǵa «Zaman» turǵyn úı kesheni qurylysynda bolǵan.
«BI GROUP» kompanııasynyń «TamDan qurylys Astana» merdiger uıymynda isteıtin jigittiń basyna bıikten temir qubyr qulap túsken. Basynan aýyr jaraqat alǵan jumysshy oblystyq aýrýhanaǵa jetkizilgen. Alaıda dárigerler jas jigitti qutqaryp qala almady.
«Oqıǵaǵa baılanysty arnaıy komıssııa qurylady. Ol jumysshynyń qaza tabý sebebin tekseredi», - dedi Memlekettik eńbek ınspektsııasy basqarmasynyń basshysy Igilik Áýbákirov.
Avtory A.Sokolov
