Atyraýda 24 jastaǵy aýyl turǵyny mektepten noýtbýk urlap kelgen
ATYRAÝ. QazAqparat – Atyraý oblysynyń Qurmanǵazy aýdanynda mektep múlkin urlaǵan azamat ustaldy, dep habarlaıdy QazAqparat.
Oblystyq polıtsııa departamentinń málimetinshe, Qurmanǵazy aýdandyq polıtsııa bólimine mektep dırektorynan urlyq deregi jóninde aryz túsken.
«Dırektordyń aryzynda mamyr-tamyz aılary aralyǵynda mektepten 2 dana «ACER» noýtbýgi men 1 dana proektor qurylǵysy urlanǵany aıtylǵan. Polıtsııa qyzmetkerleri osy derekke qatysty tekserý is-sharasyn júrgizip, mekteptiń tehnıkalyq quraldaryn jymqyrǵan kúdiktini anyqtady. Kúdikti 1996 jyly týǵan azamat bolyp shyqty», -dep habarlady departamenttiń baspasóz qyzmeti.
Kúdiktige «eshqaıda ketpeý» sharasy sanktsııalanyp, aıǵaq zattar tárkilenip alyndy.
Qazir atalǵan derek boıynsha QR Qylmystyq Kodeksiniń 188-babynyń 1-bóligimen sotqa deıingi tergeý júrgizilýde.
Eske sala ketelik, buǵan deıin Atyraýda bir kúnde ınternet alaıaqtyqqa qatysty 8 qylmys ashylǵan bolatyn.
