Atyraýda 222 adam bıznes bastaý úshin nesıe men granttar aldy
ATYRAÝ. QazAqparat –Atyraý oblysynda 222 adam óz bıznesin bastaý úshin nesıe men granttar alǵan, dep habarlaıdy QazAqparat.
Atyraý oblysynyń ákimi Mahambet Dosmuhambetovtiń málimetinshe, bıylǵy alty aıda «Eńbek» baǵdarlamasy aıasynda berilgen nesıe men granttardyń jalpy somasy 600 mln teńgeni qurap otyr. Bul qarjyny bıznesin bastaý úshin 222 adam alǵan.
«Bıyl kásipkerlik negizderine 368 adam oqytyldy. Al, qysqa merzimdi oqýǵa 677 adam jiberildi. Sonymen birge, 3 320 adam turaqty jumysqa, 4 600 adam qoǵamdyq jumystarǵa, jastar tájirıbesine, áleýmettik jumys oryndaryna ornalastyryldy»,- dedi Mahambet Dosmuhambetov.
Eske sala ketelik, buǵan deıin Atyraý oblysynda óndirilgen ónerkásip óniminiń kólemi 2,5 trln teńgege jýyqtaǵanyn habarlaǵanbyz.
