Atyraýda 220 shaqyrym jol jóndeledi
ATYRAÝ. QazAqparat - Bıyl qalalyq ákimdik júrgizilgen ınfraqurylym aıasynda turǵyn-úı kommýnaldyq sharýashylyq jelisi boıynsha 311 kósheni, qurylys bólimi arqyly 139 kósheni asfalttaýdy josparlady, dep habarlaıdy Atyraý oblysy ákiminiń resmı saıty .
2017 jyly oblysta 296,6 km jol salyndy, onyń 236,6 shaqyrymy Atyraý qalasynda. Oblys ortalyǵynda asfalttanǵan joldyń negizgi kólemi qala mańyndaǵy selolyq okrýgterge tıesili.
Atyraý oblysynyń ákimi Nurlan Noǵaev qala mańy aýmaǵyndaǵy jol qurylysyn tekserdi. Atyraý qalasynyń ákimi Serik Shapkenovtyń aıtýynsha, josparlanǵan jol kólemi qarasha aıynyń alǵashqy jartysynda bitedi.
Sonymen qatar, 2017 jyly jalpy aýdany 21 800 sharshy metr avtokólik jolyna aǵymdaǵy jóndeý jumystary júrgizildi. Uzyndyǵy 220 km bolatyn 207 kósheniń jol-qurylys jumystaryna jobalaý-smetalyq qujattama jasaý úshin jergilikti bıýdjetten 450 mln teńge bólingen. Bul jumystar 2018 jyly bastalady.
-Kóshelerdi asfalttaý jumystary eldi mekenniń damý josparyna sáıkes júıeli túrde júrýi kerek, - dedi qurylys qarqynymen tanysqan aımaq basshysy. - Bizdiń mindetimiz halyqty sapaly da jaqsy jolmen qamtamasyz etý.
Nurlan Noǵaev tekserý qorytyndysymen jaýapty tulǵalarǵa naqty tapsyrmalar berdi.
