Atyraýda 21 jastaǵy jigit sýǵa ketti
ATYRAÝ. QazAqparat - Atyraýda 21 jastaǵy jigit sýǵa batyp ketti, dep habarlaıdy QazAqparat tilshisi.
«Qaıǵyly oqıǵa oblys ortalyǵyndaǵy jaǵajaıda bolǵan. Jaǵajaıda barlyq eskertý belgileri ornatylǵan, aınalasy qorshalǵan. Soǵan qaramastan jas jigit aǵysy qatty sýǵa sekirgen. 25 mınýttan keıin onyń máıiti tabylǵan», - dep málimdedi Atyraý oblystyq TJD baspasóz qyzmeti.
Atyraý oblysynda jyl basynan beri 13 adam sýǵa batyp ketken, onyń kópshiligi - balalar. Ruqsat etilmegen oryndarda shomylýdyń arty osylaı jazataıym oqıǵaǵa ulasyp jatady.
