Atyraýda 2018 jyly qala jaǵalaýy abattandyrylady
ATYRAÝ. QazAqparat - Atyraýda 2018 jyly qala jaǵalaýy abattandyrylady. Bul týraly búgin halyqqa esep berý jıynynda Atyraý oblysynyń ákimi Nurlan Noǵaev aıtty, dep habarlaıdy oblystyq óńirlik kommýnıkatsııalar qyzmetine siltememen «QazAqparat» HAA.
Aımaq basshysynyń aıtýynsha, jaǵalaýdy abattandyrý Beıbarys kópirinen Atyraý memlekettik ýnıversıteti mańyndaǵy «banan jaǵasyna» deıin júrgiziledi. Jaǵalaý qala turǵyndarynyń serýendep, demalatyn ornyna aınalady.
Jaǵalaý úsh kezeńde salynady. Qúrylys-montajdaý jumystary júretin aýmaq 1861 metrdi quraıdy. Jaǵalaýdyń jańa ýchaskesinde balalar jáne sport alańdary, oryndyqtar men kúrkeler ornalasady, pırs pen jaǵajaı aýmaǵy abattandyrylady. Qurylysshylar LED jaryqtandyrýdy da qarastyrǵan. Jumys jer qoınaýyn paıdalanýshylardyń áleýmettik aýdarymdary esebinen júrgiziledi. Qurylys 2018 jylǵa josparlandy.
«Biz turǵyndardan Jaıyq ózeniniń jaǵalaýynyń jaǵdaıyna baılanysty kóptegen shaǵymdar aldyq, adamdar sonyń ishinde ony abattandyryp, jaqsartýdy suraǵan bolatyn, - dedi Nurlan Noǵaev. - Bul tilekti qabyl aldyq. Jańa jaǵalaý qalanyń sımvoly bolady. Jumys munymen toqtamaıdy - Atyraý qalasyndaǵy Jaıyq ózeniniń barlyq jaǵalaýlaryn qaıta jańartatyn túrli nusqalardy zertteıtin bolamyz».
