Atyraýda 200 oryndyq modýldik aýrýhananyń qurylysy qalaı júrip jatyr
Atyraý oblysynda daıyndyq aıasynda 200 oryndyq modýldik tıptegi juqpaly aýrýlar aýrýhanasynyń qurylysy qarqyndy júrip jatyr. Qazir qurylys jumystarynyń 85% aıaqtalǵan. Munda 900 adam jumys isteıdi. Aýrýhana qurylysy qazan aıynda aıaqtalady dep josparlanýda.
Medıtsınalyq nysan 180 statsıonarlyq tósekke jáne 20 kerýettik reanımatsııalyq bólim men qarqyndy terapııaǵa arnalǵan. Qurylysty «Nort Kaspıan Opereıtıng Kompanı N.V.» kompanııasynyń tapsyrysymen «BI Industrial»BI kompanııasy júrgizip jatyr.
Infektsııalyq aýrýhanalar standartymen boı túzeıtin medıtsınalyq mekemeniń ǵımaraty jyldam qurastyrylatyn qurylys tehnologııasyna sáıkes, modýldi bloktardan turǵyzylýda. Medıtsına qyzmetkerleri men em alýshylardyń qaýipsizdigin qamtamasyz etetin zamanaýı quraldarmen jabdyqtalady.
Aýrýhana ákimshilik bóligi bar medıtsınalyq bloktan, qabyldaý-dıagnostıkalyq bólimnen, operatsııalyq blogy bar jansaqtaý bóliminen, sondaı-aq galereıa tıpindegi dálizben baılanysqan bes bólimnen turady.
Nysan jobasy medıtsınalyq logıstıka men ınfektsııalyq baqylaýdy saqtaı otyryp, bir-birimen yńǵaıly baılanysta bolatyn bloktarmen jasaqtalǵan. Karantındik jáne qarqyndy terapııa aımaqtary bólingen. Sanıtarlyq baqylaý bólmeleri, naýqastardyń men qyzmetkerlerdiń júris baǵyty belgilengen.
Munda 56 - eki, 16 - úsh oryndyq palata, 6 - bir oryndyq, kóshege jeke shyǵatyn 7 eki oryndyq boks, qarqyndy terapııa bólimine 20 kerýetti oryn, qabyldaý-dıagnostıkalyq bólimine 5 boks qarastyrylǵan.
Personalǵa arnalǵan sanıtarlyq baqylaý bólmeleriniń aımaqtary barlyq qurylymdyq bólimshelerde taza jáne juqpaly aımaqtar bolyp bólingen. Adamdar qozǵalysy bir-birine kedergi keltirmeıtindeı sanıtarlyq-gıgıenalyq jáne epıdemıologııalyq talaptar qarastyrylǵan.
Aımaq basshysy oblystyq densaýlyq saqtaý jáne qurylys basqarmalaryna nysannyń tıisti talaptarǵa saı bolýyn tapsyrdy.
Aıta ketelik, Qulsary qalasynda da 275 oryndyq aýdandyq ortalyq aýrýhana salynyp jatyr.
