Atyraýda 200-ge jýyq otbasy jańa qonysqa kóshti
Atyraý qalalyq turǵyn úı-kommýnaldyq sharýashylyq bóliminiń málimetinshe, apatty jaǵdaıdaǵy «Dostyq-1», «Geolog» yqshamaýdanyndaǵy №65 jáne 66-jataqhanalardyń, Birlik yqshamaýdanynda ornalasqan ATP-3 mekenjaıynyń turǵyndary jańa páterge ıe boldy.
Sóıtip, 200-ge jýyq otbasy «Bereke» yqshamaýdanynda boı kótergen jańa turǵyn úıge qonys aýdardy. Jańa páterler turǵyndardyń jekemenshigine beriledi.
«Kóp jyldan beri baspana taýqymetin tartyp keldik. Endi mine, jatyn jáne as úı bólmeleri keń páterimiz unady. Munda kireberiste de turmystyq zattar úshin oryn qarastyrylǵan. Jańa páter alǵanymyzǵa qýanyp turmyz» - deıdi qala turǵyny Nursulý Quspanova.
Bólim mamandarynyń aıtýynsha, Atyraýda apatty jaǵdaıdaǵy turǵyn úıler men jataqhanalardyń turǵyndaryn kóshirý kezeń-kezeńimen iske asýda.
Máselen, ótken jyly A.Qunanbaev №13, Dostyq №14 jáne J.Dosmuhambetov, M.Áýezov kóshelerindegi 2 jataqhana men №22 úıdiń turǵyndary kóshirilgen.
Al bıyl jyl basynda ATP-1, ATP-2 mekenjaıyndaǵy 2 úıdiń turǵyndary da jańa baspanaǵa qol jetkizgen.
Eske sala ketelik, buǵan deıin Atyraýda 33 otbasyna jańa páter berilgen edi.
