Atyraýda 20 jezókshe ustaldy
Oblystyq polıtsııa departamentiniń baspasóz qyzmetinen málim etkendeı, uıymdasqan qylmysqa qarsy kúres basqarmasynyń qyzmetkerleri jedel áreket etetin vzvod jasaǵyn jumyldyryp, 7-9 qyrkúıekte «STOP-Trafık» jedel-profılaktıkalyq is-sharasyn ótkizdi.
«Atyraý qalasynyń Avangard móltek aýdanyndaǵy turǵyn úılerdiń birinde jezókshelikpen aınalysýǵa arnalǵan prıton anyqtaldy. Al, Eski bazar aýdanynda eki qabatty turǵyn úıdiń birinde ıntımdik massaj túrimen qyzmet kórsetetin tórt qyzmetker jáne ákimshisi anyqtaldy. Jeńil júristi aınalysatyn 20 jezókshe esepke qoıyldy.
Qazir prıtondar anyqtalǵan páter ıelerine qatysty kórineý jezókshelikpen aınalysý nemese jeńgetaılyq úshin úı-jaılar usyný boıynsha QR Ákimshilik quqyqbuzýshylyq týraly kodeksiniń 450-babymen is qozǵaý máselesi sheshilip jatyr. Al 6 adamǵa hattama toltyryldy» dep habarlady departamenttiń baspasóz qyzmeti.
Eske sala ketelik, budan buryn Atyraýda izdeýde júrgen kúdikti psıhotropty dárilerdi zańsyz tasymaldaǵanyn jazǵan bolatynbyz.
