Atyraýda 20 avtokólik aıyp turaǵyna qoıyldy
ATYRAÝ. QazAqparat – Atyraýda «Boryshker» jedel is-sharasy kezinde qaryzyn tólemeı júrgen júrgizýshilerden 6 mln teńge óndirildi, dep habarlaıdy QazAqparat.
Oblystyq polıtsııa departamentiniń qyzmetkerleri 8 maýsymnan beri sot oryndaýshylarmen birge «Boryshker» jedel is-sharasyn ótkizip jatyr.
«Іs-shara kezinde polıtseıler Jedel basqarý ortalyǵynyń baqylaý kameralary arqyly
boryshyn ótemeı júrgen júrgizýshilerdi anyqtady. Polıtseıler planshettiń kómegimen
500-den astam júrgizýshige ákimshilik aıyppuldaryn óteý týraly ákimshilik sottyń
qaýlysyn tapsyrdy. Boryshy bar júrgizýshilerden 6 mln teńgege jýyq aıyppul
óndirilip, 20 avtokólik aıyp turaǵyna qoıyldy», - dep habarlady oblystyq polıtsııa
departamentiniń baspasóz qyzmeti.
Sondaı-aq, polıtsııa qyzmetkerleri planshettiń kómegimen alıment tólemegenderdi
anyqtap, kólik quralyn basqarýshylardyń saqtandyrý polısin tekserý múmkindigine ıe
bolǵan.
Eske sala ketelik, Atyraýda Armenııadan ákelingen 160-tan astam kólik
tirkelgen edi.
