Atyraýda 2 júrgizýshi BMW kólikterimen jarysyp, jol erejesin buzǵan
Bul týraly áleýmettik jelide vıdeo taraǵan. Osyǵan oraı polıtsııa qyzmetkerleri BMW kólikterimen jol erejesin buzǵan júrgizýshilerdi anyqtady.
«Polıtsııa qyzmetkerleri 8 mamyrda saǵat 11:30 shamasynda Atyraý qalasynyń Satybaldıev kóshesi boıynda jol erejesin buzǵan 1988 jáne 1996 jylǵy júrgizýshilerdi anyqtady. Olarǵa qatysty QR Ákimshilik quqyq buzýshylyq týraly Kodeksiniń 595-babynyń 1-bóligimen (Manevr jasaý qaǵıdalaryn buzý) jáne 599-babynyń 1-bóligimen (Baǵdarshamnyń tıym salatyn sıgnalyna nemese retteýshiniń tıym salatyn qımylyna qaramaı ótý), sondaı-aq 630-babynyń 1-bóligimen (Jol qurylystaryn búldirý) hattamalar toltyryldy»6 -dep habarlady oblystyq polıtsııa departamentiniń baspasóz qyzmeti.
Al, 1996 jylǵy júrgizýshige budan basqa QR Ákimshilik quqyq buzýshylyq týraly Kodekstiń 476-babynyń 1-bóligimen de ákimshilik hattama rásimdelip, sotqa joldanǵan.
