Atyraýda 2 jasar búldirshin altynshy qabattan qulap ketti

ATYRAÝ. QazAqparat – Atyraýda kishkentaı bala altynshy qabattaǵy páterdiń terezesinen qulap ketti, dep habarlaıdy QazAqparat tilshisi.

«Oqys oqıǵa Prıvokzalnyı shaǵyn aýdanyndaǵy 9 qabatty turǵyn úıde boldy. Altynshy qabattaǵy páterde úlkenderdiń qaraýynsyz qalǵan eki jasar bala terezeden qulap ketken. Kóp jaraqat alǵan bala oblystyq aýrýhananyń jansaqtaý bólimine jetkizildi», - dep málimdedi Atyraý oblystyq TJD baspasóz qyzmeti.
Jyl basynan beri Atyraýda osyndaı jaǵdaı osymen úshinshi ret bolyp otyr. Bir bala qaza tapqan.
Avtor: A. Sokolov