Atyraýda 2 jasar bala koronavırýstan jazylyp ketti

ATYRAÝ. QazAqparat – Atyraýda 2 jasar bala korornavırýs ınfektsııasynan jazylyp shyqty, dep habarlaıdy QazAqparat.

Emdeýshi dáriger Nazerke Tóletaevanyń aıtýynsha, bala buǵan deıin sal aýrýy (DTsP), júıke júıesiniń atrofııasy, mıkrotsefalııa dıagnozymen esepte turǵan.

«Naýqas 26 tamyzda dene qyzýynyń kóterilýine baılanysty oblystyq balalar aýrýhanasyna tústi. Kompıýterlik tomografııanyń nátıjesimen balanyń ókpesiniń 12 paıyzy zaqymdalǵany anyqtaldy. Sol sebepten, ol №2 oblystyq aýrýhanaǵa jatqyzyldy» -deıdi Nazerke Tóletaeva.

Naýqas balada qurysýdyń aıqyn belgileri bolǵan. Ol 31 tamyzdan 3 qyrkúıekke deıin jansaqtaý bóliminde emdelgen. Qazir 2 jasar bala tıisti em-sharalardan keıin koronavırýs ınfektsııasynan tolyq jazylyp shyqqan.

Eske sala ketelik, buǵan deıin Atyraýda koronavırýs juqtyrǵan 2 jasar bala jansaqtaý bóliminde jatqanyn jazǵan edik.