Atyraýda 2 myń gektardan asatyn 10 jer telimi memleketke qaıtaryldy
ATYRAÝ. QazAqparat –Atyraý oblysynda berilgen jer ýchaskelerin ıgermegeni úshin 10 ýchaskesi keri qaıtaryldy, dep habarlaıdy QazAqparat.
Oblystyq jer resýrstarynyń paıdalanylýy men qorǵalýyn baqylaý basqarmasynyń basshysy Gúlzııa Qurmanovanyń málimetinshe, memleket menshigine qaıtarylǵan jer ýchaskeleriniń jalpy aýmaǵy 2 myń gektardan asady.
«Bıyl merziminde ıgerilmegeni úshin 10 ýchaske keri qaıtaryldy. Al, 51 jeke jáne zańdy tulǵa ákimshilik jaýapkershilikke tartylyp, jalpy somasy 8 833 642 teńge aıyppul salyndy. Sondaı-aq, jer zańnamasyn buzýshylyqtardy joıý týraly 51 uıǵarym berildi», - deıdi Gúlzııa Qurmanova.
Qazir bıýdjetke 6 700 142 teńge erikti túrde tólengen.
