Atyraýda 2 mln teńge aıyppuly tólenbegen kólikpen júrgen sheteldik qolǵa tústi

ATYRAÝ. QazAqparat –Atyraýda Grýzııa Respýblıkasynyń azamaty 2 mln teńge aıyppuly tólenbegen kólikpen júrgen, dep habarlaıdy QazAqparat.

Oblystyq polıtsıts departamenti baspasóz qyzmetiniń málimetine súıensek, patrýldik

polıtsııa qyzmetkerleri 1 mln jáne 2 mln teńgeden asa aıyppuly tólenbegen eki avtokóliktiń ıesin anyqtady.

«Máselen, 6 qańtarda polıtsııa qyzmetkerleri Azerbaıjan Respýblıkasynda tirkelgen

Lexus GX470 markaly kólikti toqtatty. Tekserý kezinde kólik ıesi Grýzııa Respýblıkasynyń

39 jastaǵy azamatyekendigi anyqtaldy. Onyń 2 mln teńgeni quraıtyn 123 aıyppulyn tólemegeni belgili boldy. Al, 7 qańtarda Armenııa Respýblıkasynda tirkeýde turǵan «Toyota Ipsun» markaly kóligi tekserildi. Bul avtomobıldiń júrgizýshisi de 1 mln 63 980 teńgeni quraıtyn 35 aıyppulyn tólemegen bolyp shyqty», -dep habarlady departamenttiń baspasóz qyzmeti.

QR Ákimshilik quqyqbuzýshylyq týraly Kodeksiniń 785-babyna sáıkes, sheteldik markaly eki kólik te arnaýly turaqqa qoıylǵan.

Eske sala ketelik, budan buryn Atyraýda 2,6 mln teńge aıyppulyn tólemegen júrgizýshi

ustalǵan bolatyn.