Atyraýda 2 adamnan bekire balyǵy tárkilendi
«Maýsym aıynda oblystyq ІІD-niń Uıymdasqan qylmysqa qarsy kúres basqarmasynyń qyzmetkerleri Qyzyl kitapqa engizilgen bekire balyǵyna qatysty eki oqıǵany anyqtady. Birinshi fakti Balaýsa móltek aýdanynda tirkeldi. Dámhana janyndańy jeńil kólikten 35 keli bekire tuqymdas balyq tabylyp, tárkilengen. Balyqtyń zańsyz saýdalamaq bolǵan ekinshi adam Hımposelok móltekaýdanynda ustaldy. «Nissan Primera» avtokóliginiń júk salǵyshynan salmaǵy 85 keli balyqtar anyqtaldy», dep habarlady oblystyq Іshki ister departamentiniń baspasóz qyzmeti.
Aıta ketý kerek, eki faktige qatysty sotqa deıingi tergep-tekserý amaldary QR QK-niń 339-baby boıynsha júrgizilýde. Sondaı-aq, quqyq qorǵaý organdarynyń qyzmetkerleri jyl basynan beri osyǵan uqsas 5 faktini anyqtap, 300 keliden asa bekire tuqymdas balyq pen 10 kelige jýyq qara ýyldyryq tárkiledi.
