Atyraýda 191 túlekke «Altyn belgi» tabystaldy
ATYRAÝ. QazAqparat - Atyraýda oblystyq IV "Jas túlek-2019" forýmy ótti, dep xabarlaıdy QazAqparat.
Mahambet Ótemisuly atyndaǵy oblystyq akademııalyq drama teatrynda úzdik túlekterge «Altyn belgi» tabystaldy.
Óziniń quttyqtaý sózinde Serik Shapkenov túlekter óz jetistikteri úshin aǵa tálimgerlerine qaryzdar ekendigin eske saldy.
"Sizder búgin eń úzdiksizder, kópke úlgisizder. Bul úshin sizder tek ustazdaryńyzǵa ǵana emes, ata-analaryńyzǵa da qaryzdarsyzdar. Patrıottyq mindetterdi oryndaýdyń úlgisi bolatyndaryńyzǵa, óz joldaryńyzdy tańdap, óńirlik ekonomıkanyń damýyna úles qosatyndaryńyzǵa senimdimin. Sizderge zor densaýlyq, baılyq, uly eldiń damýy úshin ıgilikti ister tileımin", - dedi Serik Shapkenov.
Marapattaý rásimi kontsertke ulasty.
Aıta keteıik, bıyl aımaqta barlyǵy 5222 túlek mektep bitirgen. 191 túlek «Altyn belgige» ıe bolsa, 168-i úzdik attestat aldy.
