Atyraýda 19 kópbalaly ana altyn jáne kúmis alqamen marapattaldy
ATYRAÝ. QazAqparat - Atyraýda 19 kópbalaly ana altyn jáne kúmis alqamen marapattaldy. Saltanatty shara otbasy kúnine oraı ótti, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Qalalyq ákimdikte qala ákiminiń orynbasary Polymbet Hasanovtyń qatysýymen 19 kópbalaly anany kúmis jáne altyn alqamen marapattaý saltanaty ótti. Shara Qazaqstanda 9 qyrkúıek kúni atap ótilgen otbasy kúnine oraı uıymdastyryldy.
Polymbet Hasanovtyń aıtýynsha, búginde Atyraý qalasynda 5 myń kópbalaly ana bar, olardyń 2940-y 6 jáne odan da kóp sábı súıgen batyr analar. Qala ákimi atynan altyn alqamen 4 kópbalaly ana jáne kúmis alqamen oblys ortalyǵynyń 15 turǵyny marapattaldy.
«Men sııaqty kópbalaly ana úshin bul marapatqa ıe bolý úlken mártebe, memleketimiz batyr analarǵa erekshe kóńil bólgenine qýanyshtymyn. Jubaıym ekeýmiz 1 jas pen 18 jas aralyǵyndaǵy 7 balany tárbıelep otyrmyz, otbasymyz óte jaqsy, keremet balalarymyz bar», - deıdi altyn alqa ıegeri Meıramgúl Jubaıǵazıeva.
Sondaı-aq, shara sońynda qala ákiminiń orynbasary Polymbet Hasanov kópbalaly analardy ótken otbasy kúnimen quttyqtap, zor densaýlyq pen januıa baqytyn tiledi.
