Atyraýda 17 jastaǵy jasóspirim 10-nan astam úıdi tonaǵan
ATYRAÝ. QazAqparat - Atyraýda 17 jastaǵy jasóspirim ustalmas buryn 11 úıdi tonaǵan, dep habarlaıdy «QazAqparat» HAA tilshisi.
«Sot isi barysynda QR QK 188-baby, 3-tarmaǵy «Urlyq jasaý» boıynsha aıyptalyp jatqan jigittiń buryn sottalǵany anyqtaldy. Sot oǵan 13 úıdi tonaǵany úshin shartty jaza taǵaıyndaǵan edi. Alaıda ol burynǵy «kásibin» qaıta qolǵa alyp, quny 5 mln teńgeden asatyn 11 úıdi tonady.
Aıyptalýshy sotta óz kinásin tolyqtaı moıyndady. Kámeletke tolmaǵan jasóspirimge 3 jylǵa bas bostandyǵynan aıyrý jazasy taǵaıyndaldy», - dep habarlady oblystyq sottyń baspasóz qyzmeti.
Zardap shegýshilerge keltirilgen materıaldyq zalal onyń zańdy ókili - ákesinen óndiriledi. Jasóspirim uryǵa qatysty qylmystyq is Atyraý oblystyq kámeletke tolmaǵandar isi jónindegi mamandandyrylǵan aýdanaralyq sotynda qaraldy.
