Atyraýda 17 694 adam baspana kezeginde tur
ASTANA. Atyraý qalasynda 23 apatty, 27 tozyǵy jetken úı men 12 jataqhana bar. Ótken jyly turýǵa jaramsyz dep eseptelgen 5 úı súrilip, turǵyndary jańa baspanaǵa qonystandyryldy.
Óńirlik kommýnıkatsııalar qyzmetinde ótken brıfıngte Atyraý qalalyq turǵyn úı - kommýnaldyq sharýashylyǵy, jolaýshylar kóligi jáne avtokólik joldary bóliminiń basshysy Serikbaı Qazıev osyndaı derekterdi baıandady, dep habarlaıdy «QazAqparat» HAA tilshisi.
Munaıly óńirde turǵyn úı qurylysy qarqyndy júrýde. Sonyń ózinde áli de 17 694 adam baspana kezeginde tur.
«Ótken jyly 18 úı - 1215 páter berildi. Onyń ishinde «Óńirlerdi damytýdyń 2020 jylǵa deıingi» baǵdarlamasy aıasynda tapsyrylǵan 11 turǵyn úı de bar», - dedi S.Qazıev óz sózinde.
