Atyraýda 160 júrgizýshi 9 mln teńge aıyppul tólemeı júrgen
ATYRAÝ. QazAqparat – Atyraýda 160-ǵa jýyq júrgizýshi 9 mln teńge aıyppulyn tólemeı júrgen, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jyl basynan beri
160-ǵa jýyq júrgizýshiniń 9 mln teńge aıyppulyn tólemegeni anyqtalǵan. Osyǵan
baılanysty olardyń avtokólikteri arnaıy avtoturaqqa qoıylǵan. Onyń ishinde 5 kólik
Qyrǵyzstannan jetkizilgen, bireýi Ázerbaıjannan ákelingen. Sondaı-aq, 19 avtokóliktiń Armenııada, qalǵany Reseıde tirkelgeni belgili bolyp otyr.
«Máselen, 28 qańtarda Atyraý qalalyq polıtsııa basqarmasy Jedel basqarý ortalyǵynyń qyzmetkerleri tólenbegen aıyppuly bar Reseı, Armenııa, Qyrǵyzstan elderinen ákelingen 12 avtokólikti anyqtady. Olardyń ekeýi 36 254 teńgelik aıyppuldy toqtatylǵan sátte tóledi. Al, ıeleriniń tólemeı júrgen aıyppuly 395 870 teńgege jetken 10 avtokólik arnaıy turaqqa jetkizildi» - dep habarlady departamenttiń baspasóz qyzmeti.
Eske sala ketelik, budan buryn Atyraýda mas kúıde kólik júrgizgen 558 júrgizýshi jazalanǵan bolatyn.
