Atyraýda 160 jer ýchaskesi ózge maqsatta paıdalanylýda
ATYRAÝ. QazAqparat - Atyraýda maqsatsyz paıdalanylyp jatqan nemese múldem bos turǵan 160 jer ýchaskesi anyqtaldy, dep habarlaıdy «QazAqparat» HAA tilshisi.
«Jalpy sany 160-ty quraıtyn ýchaskeler oblystyq ortalyqtyń jer qory júrgizgen múlikti túgendeý jumystary barysynda anyqtaldy. Sharalar qoldaný úshin tıisti organdarǵa 126 jer ýchaskesi ıegerleriniń qujattary jiberildi. Buǵan qosa, qalalyq máslıhat maqsatsyz paıdalanylǵan jer ıelerine salyq mólsheri 10 ese kóleminde belgilenetini týraly qaýly qabyldady», - dep habarlady Óńirlik kommýnıkatsııalar qyzmetiniń brıfınginde Atyraý qalasynyń ákimi Serik Shapkenov.
