Atyraýda 16 jastaǵy qyz tórt kúnnen beri tabylmaı jatyr
Atyraý oblystyq Tótenshe jaǵdaılar deparatmentiniń qoǵammen baılanys tobynan málim etkendeı, izdestirý 7 sáýirden beri júrgizilip jatyr.
«Atyraý qalasynyń 2007 jyly týǵan turǵyny 6 sáýir kúni ata-anasyna eskertpeı, úıinen belgisiz baǵytqa shyǵyp, keri oralmaǵan. Osyǵan baılanysty Tótensheshe jaǵdaı departamentiniń órt sóndirý jáne avarııalyq-qutqarý qyzmetiniń qutqarýshylary Jaıyq ózeninde sý astynan izdestirý jumystaryna jumyldyryldy», - dep habarlady departamenttiń qoǵammen baılanys tobynan.
Sý astynan izdestirý jumysyna jedel qutqarý jasaǵynan 10 adam, 1 tehnıka men 2 júzý quraly, Polıtsııa departamentinen 5 adam, 1 tehnıka tartylǵan. Qutqarýshylar men polıtseılerge eriktiler, jergilikti turǵyndar kómektesip jatyr.
«Atyraý oblysynyń turǵyndary men qonaqtaryna qaýipsizdik erejelerin qatań saqtaýdy eskertemiz. Ásirese, balalardy nazardan tys, qaraýsyz qaldyrmaǵan jón», - delingen habarlamada.
Eske salaıyq, buǵan deıin Atyraýda eki adam joǵalyp ketkenin, olardy izdeýge tikushaq jumyldyrylǵanyn jazǵan bolatynbyz. Atyraý qalasynyń mańyndaǵy Alǵabas aýylynyń eki turǵyny 9 naýryz kúni saǵat 11:30 shamasynda mal izdeýge shyqqan. Eldi mekennen 50 shaqyrym uzaǵan soń olarmen baılanys úzilgen.
Tótenshe jaǵdaılar departamentine bul týraly bir kúnnen keıin habar berilgen. Joǵalǵandardy áýeden izdeýge «Qazavıaqutqarý» AQ-nyń tikushaǵy tartyldy. Keıin olar aman-esen tabyldy.