Atyraýda 16 jasar jasóspirim adasyp ketkenin aıtyp polıtsııany aldaǵan
Atyraý oblystyq polıtsııa departamenti baspasóz qyzmetiniń málimetinshe, jasóspirimniń mobıldi baılanys telefonymen jalǵan habar bergeni anyqtalyp otyr.
Keshe, 29 tamyzda polıtsııanyń 102 baılanys nómirine er adamnan «Qamystyń arasynda adasyp kettim. Kómek qajet» degen habar túsken.
Keıin onyń mobıldi telefon nómiri óshirýli bolǵan.
«Osy derekke baılanysty oblystyq tótenshe jaǵdaılar departamenti men polıtsııa qyzmetkerleri Damby aýyldyq okrýgi aýmaǵyndaǵy Peshnoı jarty aralynda ósken qamys arasynda jedel izdestirý jumysyn júrgizdi. Keıin bul habardyń jalǵan ekeni anyqtaldy. Sol sebepti adasqan adamdy izdeý toqtatyldy. Jalǵan habardy Atyraý qalasynda turatyn 2006 jylǵy jasóspirim bergen», -dep habarlady polıtsııa departamentiniń baspasóz qyzmeti.
Atalǵan derekke baılanysty quzyrly polıtsııa men tótenshelikterdi aldaǵan jasóspirim anyqtalyp, ata-anasymen birge Atyraý qalalyq polıtsııa basqarmasyna jetkizildi.
Jalǵan habar bergen jsóspirimniń 1981 jylǵy anasyna QR Ákimshilik quqyqbuzýshylyq týraly kodeksiniń 438-babynyń 1-bóligimen hattama toltyryldy.
Balasynyń teris áreketi úshin anasyna 84 myń teńge aıyppul salyndy.
Eske sala ketelik, buǵan deıin atyraýlyq oqýshy bir aıda polıtsııaǵa 4 márte jalǵan habar bergenin jazǵan edik.
