Atyraýda 16 jasar bozbala nómiri jasyrylǵan kólikti júrgizgen
ATYRAÝ. QazAqparat – Atyraý qalasynda memlekettik nómiri medıtsınalyq maskamen jasyrylǵan kólikti júrgizgen 16 jastaǵy jasóspirim ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, patrýldik polıtsııa qyzmetkerleri 4 qańtarda Vladımırskıı-Lýgovoı kósheleriniń qıylysynda memlekettik nómiri medıtsınalyq maskamen jasyrylǵan «Toıota Kamrı» avtokóligin toqtatqan.
«Tekserý kezinde bul kólikti 16 jasar jasóspirim júrgizgeni anyqtaldy. Jasóspirimge qatysty QR Ákimshilik quqyq buzý kodeksiniń 590-babynyń 4-bólimimen ákimshilik hattama toltyryldy. Іs qujattary sotqa joldanyp, avtokólik aıyp turaǵyna qoıyldy» dep habarlady departamenttiń baspasóz qyzmeti.
Sondaı-aq, jasóspirimge atalǵan kodekstiń 612-babynyń 4-bólimimen 29 170 teńge kóleminde aıyppul salynǵan. Al, onyń ata-anasyna osy qujattyń 442-babynyń 2-bólimimen ákimshilik hattama toltyrylyp, eskertý berilgen.
Eske sala ketsek, buǵan deıin Atyraý oblysynda kámelet jasyna tolmaǵan jasóspirim kólik júrgizgenin jazǵan bolatynbyz.
